U situ archeologicu hè assai vicinu à mo casa. Pudemu andà à pedi.

U Situ preistoricu di Cauria

Una vista à u pianottolu di Cauria (cumuna di Sartè), à 2 km di u mare, vi permette di scopre 3 siti emblematichi di a Corsica nantu à 60 ha : l’allineamenti megalitichi d’I Stantari, quelli di u Renaghju, u dolmen di a Funtanaccia

Allineamenti megalitichi d’I Stantari

Nantu à issu situ ci eranu almenu 30 stantare. Ci sò dui gruppi distinti: unu urientatu Nordeste/Suduveste, l’altru versu u meziornu

Allineamenti megalitichi di u Renaghju

Ver di l’anni -5700 (Neuliticu anzianu), un gruppu s’arrughjuneghja, arrimbatu à i monti di a Punta di u Grecu, vicinu à una surgente è à un pozzu. In 2006 (scavi D’Anna) hè identificatu un alloghju rittangulare (20 m2 cù cantelli di legnu, muri di tarra, fuconi è brasgeri). Sò rilivate duie aghje cù une poche d’incudine (da zuccà l’ossidiana, u quarzu, u scagliu). A ceramica – di e più antiche – si distingue cù a stampatura urnamintale d’una chjoppula di baioncula : u cardium – calcinellu – (pezze prisintate à u museu di Sartè)

Stazzona di Funtanaccia

Issa stazzona, in cima d’una cuccula naturale, hè a più cunnisciuta è a megliu cunsirvata di Corsica.

sources : CDC-wikipedia